Hoxe foi un día moi, moi especial. Hoxe, íamos a visitar aos maiores do Centro San Xoán.
Cantos nervios, cántas dúbidas e canta responsabilidade! Que silencio, de camiño ao centro! Todos concentrados, repasando mentalmente as últimas indicacións: lede despacio, vocalizade....
E, ao chegar, tantos olliños mirando para nós: expectantes, ansiosos por escoitar, por falar, por pasar un ratiño diferente.
E que ratiño máis marabilloso! Lemos, falamos, rimos, contamos uns contos... e como non, prometemos volver porque, a vindeira vez, nós escoitaremos e eles serán os que nos regalen un conto.
Ningún comentario:
Publicar un comentario