mércores, 5 de abril de 2017

Os nosos voluntarios visitan o Centro de Maiores San Xoan

Despois de semanas de ensaio, e tras decidir que libros eran os máis axeitados, os nosos voluntarios de lectura realizaron unha visita ao Centro de Maiores San Xoan para recitar un pouquiño de poesía. Algúns dos autores escollidos polos nosos alumnos foron Manuel María, Gloria Fuertes, Rosalía de Castro, Fran Alonso.... Foi unha experiencia marabillosa na que ademais de poesía tiveron tempo para conversar animadamente e ata para coñecer a algún parente ou viciño. Aquí vos deixamos unha mostra desta fantástica experiencia.

xoves, 23 de marzo de 2017

Semana da Poesía con Gloria Fuertes

Un pequeno reflexo do que os nosos voluntarios prepararon para conmemorar a Semana da Poesía: elexiron a autora homenaxeada (Gloria Fuertes), os versos que os seus compañeiros tiñan que memorizar atendendo á diversidade do noso alumnado; traduciron ó galego algunha das contrasinais, repartíronse os cursos e estableceron quendas para preguntar as contrasinais tanto no recreo da mañá como no da tarde, e finalmente elexiron e elaboraron os agasallos. Bo traballo, rapaces!

domingo, 12 de febreiro de 2017

Obradoiro Día da Paz

E despois da lectura do conto,os nosos voluntarios prepararon uns homiños de papel para que todos os nenos e nenas que quixesen, o decorasen e o pegasen nas fiestras da biblioteca. E así de bonitos nos quedaron!

Día da Paz: O homiño de papel

O nosos voluntarios da biblioteca estiveron a preparar un Kamishibai con motivo do Día da Paz. 
Para isto elexiron o conto que querían adaptar; neste caso O homiño de papel de Fernado Alonso.
Pasaron o texto ó galego, fixeron os debuxos, elexiron a música ambiental e fixeron os ensaios. 
O resultado final, aquí o tedes. 


venres, 23 de decembro de 2016